السلام عليكم ورحمة الله وبركاته
مساء الخير على الجميع
قصيدة راقت لي وان شاء الله تنال على إعجابكم :
____________________________
والله وصرتي تستهينين ( فيني ) !
وانا الذي سويت لك قدر .. بيديّ !
تدرين وش كنتي قبل .. تعرفيني ؟
ان قلت لك كنتي ولا حاجة شويّ
انا الذي فرشت لك رمش عيني
وعملت منك شي وانتي ولا شيّ !
جيت اعشقك ما جيتك لك تحقريني
جيت اسكنك بسمة ماهو بـ اسكنك غيّ
لا صرت عامل لك قدر .. قدّريني
ترى الكرامة صفحةٍ ما لها .. طيّ
ما دام ما جيتي غلا .. لا تجيني
نار الجفا عندي ولا الذل .. بالفيّ
والله لاهجرك قبل .. لا تهجريني
اجل تبيعيني واجي لك بـ رجليّ !!
يا تتركين الكبر ! .. يا تتركيني
لان المحبة شي والمهزله شيّ !
إن كانت الدعوة غلاي وحنيني
يمكن يزول الحقد ويشعشع الضيّ
لكن حكاية ينحني لك جبيني ؟!
في ذمتي ما ينحني لك وانا حيّ !
الرئيسية 
من طرف 
موضوع: ما دام ما جيتي غلا لا تجيني , نار الجفا عندي ولا الذل بالفيّ // للشاعر حامد زيد 